Plantun de Prouvènço

Pèr coumpara dos planto d'encò nostre

Macrochloa tenacissima & Cyperus esculentus

Alfa

Macrochloa tenacissima

Poaceae Graminaceae

Noms en français : Alfa, Stipe tenace.

Descripcioun :
L'alfa nous vèn d'Africo de l'uba (halfa en Aràbi) ounte trachis dins li relarg secarous. Es un gros gramenun que s'èi naturalisa en Prouvènço dins li tepiero seco e li garrigo, mai s'atrovo gaire. Se recounèis à si baso de fueio e à sa lengueto di proun peludo.

Usanço :
Sèr à la fabricacioun de pasto à papié de qualita e peréu pèr faire de cordo, de banasto etc. Èi peréu dounado i chivau coume uno meno de civado. Se cultivo en Tunisìo e en Espagno.

Port : Erbo
Taio : 0,6 à 1,5 m
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Macrochloa
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) flour : 1 cm
Flourido : Printèms

Sòu : Ca
Autour basso e auto : 100 à 300 m
Aparado : Noun
Abriéu à mai

Liò : Tepiero seco - Roucaio - Garrigo
Estànci : Mesoumediterran
Couroulougi : Estenoumediterrano-Sud
Ref. sc. : Macrochloa tenacissima (L.) Kunth, 1829 (= Stipa tenacissima L., 1753 )

Triangle(-manjadis)

Cyperus esculentus

Cyperaceae

Nom en français : Souchet comestible.

Descripcioun :
Lou triangle-manjadis trachis dins li limas de ribiero o li culturo. Pèr l'ouro n'i'a pas gaire au nostre, soulamen un pau au couchant. Se recounèis à sis enflourejado jauno daurado e subretout à si cabosso o tubercule. Douno un pau d'èr à Cyperus rotundus que fai de cabosso negro. La varieta presentado eici, Leptostachyus, èi naturalisado (óurigino Americo de l'uba).

Usanço :
Coume lou dis soun noum es uno planto manjadisso. En Espagno s'adoubo emé lou tubercule l'horchata de chufa, valènt-à-dire l'ourjado de triangle. Se fai tambèn un òli de qualita, richo en vitamino E e bon pèr la pèu.